再談「無性婚姻」﹙少女版﹚

朋友聚頭，攜來她的十九歲表妹。席間，朋友們提及我曾論及的「無性婚姻」。男女意見截然分渭，出奇地，竟然是女的贊成，男的反對。

反對「無性婚姻」的男人大多是站於維護婚姻制度的神聖及社會的穩定和道德規範的必須，即使實況是「男滾女勾」，還是不宜放棄表面的規範。

贊成「無性婚姻」的女人則非常前衛，熟讀「女性主義」，認為「性慾解放」是女性解放的根基，更激進者，甚至認為應取消婚姻制度，合則來不合則去。

十九歲的小妮子也參與討論，她的論點竟然大開我們這班「老餅」的眼界，不得不承認，後生可畏。

「我早在幾年前已經有『無性婚姻』的想法啦！最理想嘅丈夫就係有同性戀癖嘅好朋友，咁就可確保大家唔會介意對方跟其他人行埋啦！」

「另外，同性戀嘅男人大多數好識得care人哋，再加上大家係好朋友，所以就更能夠互相扶持。」

「仲有，要令呢個家庭更加完滿，我已經跟一個『爛滾』死黨約好，萬一佢唔覺意搞大人家個肚，千祈唔好『落』咗佢，生佢出來交畀我湊大佢。」

「唔使受生育嘅痛苦，又可以組織一個美滿嘅家庭，又同自己嘅父母有所交待，你話呢條橋係咪好絕呢！」我們聽得咋舌。