叛逆性騷擾

今時今日，做男人，不一定比做女人「過癮」。

D任職小文員，上司乃一名貌似彭丹的女人。女上司常借故親近，又乘機「抽水」，「挨身挨勢」唔在講，還時常與他傾談性事。

D向朋友訴苦，朋友不但沒安慰，還語帶戲謔：「晒命咩！有女人投懷送抱，恨死隔籬啦！」

是的！沒有人相信，就算男人同胞也不相信，這世界，竟有男人會討厭女人的性騷擾。D君沒有好氣，總結的說了一句：「我唔理佢靚抑或醜，總之，我好討厭呢個女人，即使佢除晒衫企喺我面前，我只會嘔，唔會有其他反應。」

我得承認，我是有份嘲笑D的其中一員，現在回想起來，感到有點歉疚。男女之間的情慾關係，男人永遠被視為得到著數的一方，女人則是被佔便宜的一方。

於是，女人可肆無忌憚的性騷擾、性侵犯男人。對於不願就範的男人，還可惡人先告狀，反控他意圖不軌，立心不良。面對這樣的處境，男人是百辭莫辯的：「喂！著數都畀你攞咗啦！」「你唔好話我知你係被迫！」「人哋係女仔嚟！你唔好咁衰唔認賬啦！」沉默，是男人唯一的出路。